Uno citat touto flourido
Raoubo lour cur dé sous éfans,
Une ribièiro dins sous camps
Bordo sa raoubo ta poulido
Et cado joun li fa un poutou
En li canten uno cansou.

Un fier castel prèp dé la glèiso
Mounto la gardo à soun rénoun;
Duéi coumo hierc ès lou cléroun
Dé lhounour, dé la bouno ideio.
Escouto pla Sen Couménel
La crano bouès dé toun castel.

Cal a pas bist soun tour dé forso,
Soun biol clouquiè pas coumo cap;
Uno birouno acos soun cap;
Et sur la pounjo un gal s'esgorjo;
Canto las joios del païs
Sans débada ser et matis.

Cal a pas aousit sas campanos
Qué tindou clar coumo largent ?
Quand s'en boun sul l'alo del bent
Dins lous ballouns et dins las planos
Trilhouna lour cansou del cel,
Canto pas ta pla cap d'aousel

Cal cantara soun bendiniaïré,
Soun bino blonc ta roussélet Qué fa roulla per la paret
Maï d'un bibéïré chiconaïré ?
Mès boun cal biouré un plen tassou,
Sé boulés canta ma cansou !

Sur soun blasoun,
l'ours dé Bouraldo
Ten cor al lioun d'os Espaliou,
Parès qu'un cop n’ajet rason,
Amaï li t’afrabet l’espalo,
L'airé et lous rocs d'oquel sagan
Trémourèrou jusqu'os Estang.

Boli canta toujoun ta glouèro
Sen Coumès d'Olt tant amamit ;
Dins tous ballouns aï espélit,
Aqui lo tombo l'aï m'espeèro ;
En attendem, siagos ségur,
Toun noum clérouno dins moun cur.